5-Star Rating Widget

உலக தந்தையர் தினம் பற்றி மேலும் சில தகவல்கள்

எனது முந்தய பதிவில் இருந்த தவறு சகோதரி டயானா சதாசக்திநாதன் குறிபிட்டு காட்டிய மேற்கோள் மூலமாக தற்போது திருத்தபட்டுள்ளது. நன்றி சகோதரி. அதாவது தந்தையர் தினம் ஜூன் மாதத்தில் வருகின்ற இரண்டாவது ஞாயிற்றுக்கிழமையில் கொண்டாடப்டுவதாக குறிப்பிட்டிருந்தேன் அது உண்மையில் மூன்றாவது ஞாயிற்றுக்கிழமையில் தான் கொண்டாடபட்டு வருகின்றது.

அதாவது அமெரிக்கா ,கனடா உள்ளிட்ட 52 நாடுகளில் ஜூன் மூன்றாவது ஞாயிற்றுக்கிழமையிலும் , ஆஸ்திரேலியா, நியூஜிலாந்து போன்ற நாடுகளில் செப்டம்பர் முதல் ஞாயிற்றுக்கிழமையிலும், டென்மார்க்கில் ஜூன் மாதம் 5 ஆம் நாளிலும் ஏனைய நாடுகள் வேவ்வேறு பட்ட நாட்களிலும் கொண்டாடி வருகின்றன .

உலக தந்தையர் தினம் - (21/06/2009) திருத்தபட்ட பதிவு

உலக தந்தையர் தினம் ஒவ்வொரு ஆண்டும் ஜூன் மாதத்தில் வருகின்ற மூன்றாவது ஞாயிற்றுக் கிழமையில் கொண்டாடப்பட்டு வருகின்றது. இம்முறையும் ஜுன் 21நாள் கொண்டாடப்பட இருக்கிறது. அன்னையர் தினத்துக்கு கொடுக்கபடுகிற அளவு முக்கியத்துவம் தந்தையர் தினத்துக்கு கொடுக்கப்படுகிறதா என்றால் இல்லை, அதாவது பரவாயில்லை காதலர் தினத்தை கொண்டாட துடிக்கிற இளைஞர்கள் தம்மை தோளில் தூக்கி வளர்த்த தந்தையை மறந்து விடுகிறார்கள்.

தந்தை மகற்காற்று நன்றி
அவையத்து முந்தி இருப்பச் செயல். (குறள்)

மகன்தந்தைக்கு ஆற்றும் உதவி இவன்தந்தை
என்நோற்றான் கொல்எனும் சொல். (குறள்)

என்கிற வள்ளுவர் வாக்கிற்கு இணங்க ஒவ்வொரு மகனும் தந்தையும் செயற்படின் வையத்துள் வாழ்வது செழிப்புறும்.


தாயிட் சிறந்த கோவிலும் இல்லை
தந்தை சொல் மிக்க மந்திரமில்லை

மந்திரம் உச்சரிக்கபடுகிற போது தான் கோவில் புனித தன்மை பெறுகிறது நமது வேண்டுதலும் நிறைவேறுகிறது. அதேபோல, எமது தந்தையின் சொற்படி கேட்டு ஒவ்வொரு செயலும் செய்வோமானால் அதில் ஒரு பூரணதன்மையை உணரமுடியும்.

தந்தையின் பெருமையினை உணர ஒரு குட்டிக் கதை:

ஒரு நாள் ஒரு வயோதிப தந்தையும் இளவயது நிரம்பிய மகனும் வரவேற்பறையில் அமர்த்திருக்கிறார்கள். மகன் பத்திரிகை படித்துகொண்டிருக்கிறான். அப்பொழுது தந்தை அருகிலிருந்த தொலைகாட்சிபெட்டியை காண்பித்து இது என்ன மகனே என்று கேட்கிறார்? அதற்கு மகன் அதுதான் தொலைகாட்சிபெட்டி(TV) என்று பதிலளித்துவிட்டு மீண்டும் பத்திரிகை படிக்கிறான். சிறிது நேரத்திற்கு பின்னர் தகப்பனார் அதே கேள்வியை கேட்க, மகனோ சலிப்புற்றவனாய் "இப்பொழுது தானே சொன்னேன் அது தொலைகாட்சிபெட்டி(TV) என்று" என சற்று உரத்த குரலில் பதிலளித்துவிட்டு மீண்டும் பத்திரிகையில் மூழ்குகிறான். பொறுமையாக புன்முறுவலுடன் மகனை நோக்கிய தந்தை சற்று நேரம் கழித்து சற்றே தயங்கியவாறு மீண்டும் அதே கேள்வியை கேட்கிறார். மகனோ பொறுமை இழந்தவனாய் "எத்தனை முறை சொல்வது? ஒரு தடவை சொன்னால் புரியாதா?" என்றவாறு சினந்து தள்ளுகிறான். மீண்டும் எதையுமே காதில் வாங்கிக் கொள்ளாதவாறு மகனை பார்த்து புன்னகைத்துவிட்டு , மகனே உனக்கு நான்கு(04) வயதாக இருந்த்தபோது இதே கேள்வியை என்னிடம் நூறு தடவைக்கு மேல் கேட்டிருப்பாய் நானும் அத்தனை தடவையும் ஒரே பதிலை சலிக்காமல் சொல்லிகொண்டே இருப்பேன். நான் பதில் சொல்லாமல் இருந்தால் நீ அழ ஆரம்பித்து விடுவாய். இப்பொழுது மூன்று முறை பதில் சொல்வதற்கே உன்னால் முடியவில்லை. என்று சொன்னார் மீண்டும் புன்னகைத்தபடி.

இதே போலவே நாமும் முன்னாளில் தாய், தந்தையர் நமக்காக செய்த நற்காரியங்களை காலபோக்கில் மறந்து விடுகிறோம் அல்லது அறியாமலே இருந்துவிடுகிறோம்.

காதலர் தினத்துக்காக எவ்வளவோ முன் ஆயத்தங்கள் செய்கிற நாம். அன்று எம்மை தோளில் தூக்கி வளர்த்த தந்தைக்காக ஏன் தந்தையர் தினத்தை கொண்டாட மறந்து விடுகிறோம்?

எனவே நாம் ஒவ்வொருவரும் இன்நாளில் தந்தையின் பெருமைகளை நினைத்து கொண்டாடி மகிழ்வோம்.

மீண்டும் சந்திக்கும் வரை ....!
நன்றிகளோடு நண்பன் - யுகன் -

கடவுள் பற்றிய வாழ்கை பதிவு

கடவுள் என்ற சொல் பலருக்கும் கற்கண்டாய் இனித்தாலும் அதனை வெறும் கல்லாய் மட்டும் பார்கிறவர்களும் இருக்கத்தான் செய்கிறார்கள் . கடவுள் யார் ? எங்கே இருக்கிறார் ? எப்படி காண்பது ? பலரும் பல சமய நெறிமுறைகள் இருந்தாலும் இவ்உலகில் இது இன்னமும் அவிழ்க்கப்படாத ஒரு முடிச்சு என்று தான் சொல்ல முடியும். கடவுள் என்று ஆரம்பிக்கிற எல்லா வாதங்களும் கடைசியில் எதோ ஒரு மத(சமய ) நெறிமுறைக்குள்சென்று மறைந்து விடுகின்றன.
மதம் அல்லது சமயம் என்பது எல்லாம் ஒரு மார்க்க வழியே அன்றி கடவுளை காணும் இடம் அல்ல. கடவுள் , மதம் என்பதை தெளிவு படுத்த முன் , உலகில் கண்டிக்க படவேண்டிய சிலர் இருக்கிறார்கள். தம்மை நாஸ்திகர் என்றும் கடவுள் என்று ஒருவர் இல்லை என்றும், எந்தவொரு செயலும் தம்மால் செய்ய முடியும் என்றும் வாதிடுகிறவர்கள் அவர்கள். உண்மையில் அவர்கள் முகமூடி அணிந்து நிலைக்கண்ணாடி முன்னாலே சென்று நிலை தடுமாருகிறவர்கள் அதாவது , தமக்கு நிகர் தாமே என்கிற முகமூடியை அணிந்துகொண்டு வாழ்கை என்கிற நிலைக்கண்ணாடி முன்னால் நிலை குலைந்து போகிறவர்கள்
கடவுளை மனக்கண்ணால் உணர இலகுவான வழிமுறைகளை கற்று தருவதே மதம் அல்லது மார்கத்தின் கடமை. எந்த ஒரு சமயமும் கடவுளை தன்னகத்தே கொண்டதில்லை. எவனொருவன் உலக மாயைகளை கடந்து தனது மனதை கட்டுபடுத்துகின்றானோ அவன் கடவுளை காண்பான் அவனுக்கு எந்த மத்தினதோ அல்லது மார்க்கதினதோ உதவி தேவை இல்லை.
மேலும் தொடரும் .....!
மீண்டும் சந்திக்கும் வரை ....!
நன்றிகளோடு நண்பன் - யுகன் -

வாழ்கை பற்றி ...! ....தொடர்கிறது பதிவு 01

உலக வாழ்வில் நாம் பல பல நிகழ்சிகளை பார்க்கிறோம் , பல்வேறு பட்ட மனிதர்களுடனான உறவுகள் கிடைகின்றன . வேறுபட்ட பிரதேசங்களிலோ அல்லது வேறுபட்ட நாட்டிலோ வாழுகிற சந்தர்பம் பெறுகிறோம். இவ்வாறாக பல வேறுபட்ட அனுபவங்களை பெறுகிற நாம், எதோ ஒரு நாளில் மகிழ்ச்சியான மறக்க முடியாத பொழுதுகளை பெறுகிறோம் அதே வேளை வேறொரு நாளில் தர்ம சங்கடமான நிலைமையோ சோகமான நிலையோ ஏற்படுவதும் உண்டு. பிறிதொரு நாளில் சந்தோசமோ கவலையோ அற்ற ஒரு வெறுமை உணர்வு கூட ஏற்படுவது உண்டு . இவை எல்லாவற்றுக்கும் ஒரே ஊடகம் மனம் ஒன்றுதான் . மனம் பற்றி பின்னர் விரிவாக பார்ப்போம் .

அடுத்த பதிவில், கடவுள் பற்றிய கருத்துகளோடு சந்திகிறேன்

பற்றுதல் தொடரும் ......!
அதுவரை
நன்றிகளோடு.....!
நண்பன் - யுகன் -

வாழ்கை பற்றிய முகவுரை

முதலில் தமிழ் தாயை தலை வணங்கி உலக வாழ்வில் நான் கண்டவைகளை, நிஜ வாழ்வின் நிசப்தமான தத்துவங்களை, உலகின் யதார்த்தமான உண்மைகளை எழுத்துருவில் எடுத்துரைக்க விளைகின்றேன் .

அதற்கு முன்பதாக இவற்றை சொல்வதற்கு நீ யார் ? உனக்கு இருக்கும் தகுதி என்ன ? என்று நீங்கள் கேட்பது புரிகிறது ...! உண்மையில் நான் சொல்லவருவது ஒன்றும் ஆலோசனைகளோ அல்லது கட்டளைகளோ அல்ல , என் மனத்தில் உதிர்த்த கருத்துகளும், நான் கண்ட அனுபவங்களும். இவை ஆளுக்கு ஆள் வேறுபடலாம், ஆனாலும் ஒவ்வொரு பதிவின் பின்னணியிலும் உங்கள் கருத்துகளையும் விமர்சனங்களையும் எதிபார்க்கிறேன்.

முரண்பாடான கருத்துக்களோ அல்லது கருத்து பிழைகளோ காணப்படின் அதை திருத்தி கொள்வதற்கு ஆவண செயும் படி தாழ்மையாக கேட்டு கொள்கிறேன்.

பற்றுதல் தொடரும் ......!
நன்றிகளோடு.....!
நண்பன் - யுகன் -

வாழ்கை பற்றி...!

வாழ்கை பற்றி நான் கண்கூடாய் கண்டவைகளை, பெற்ற அனுபவங்களை , பாத்து பழகியவைகள் பற்றி ஒரு பதிவு வரையலாம் என எண்ணி இருக்கிறேன். நீங்களும் உங்கள் கருத்துகளும் அதற்கு வலுவூட்ட அனுமதி வேண்டி நிற்கிறேன் வாழ்கை பற்றிய பற்றுதல் தொடரும் ......!
நன்றிகளோடு.....!
நண்பன் - யுகன் -